™¤¦ اميـــــــر عشــــــائر الدليـــــــم ¦¤™
اهلا وسهلا بك في منتديات اميـــــــر عشــــــائر الدليـــــــم اذا انت غير مسجل الرجاء قم بالتسجيل .... تحياتنا ادارة منتديات اميـــــــر عشــــــائر الدليـــــــم

اشعار عبد حسين الحلفي

اذهب الى الأسفل

اشعار عبد حسين الحلفي

مُساهمة من طرف أمير الدليم في الأحد يناير 22, 2012 5:37 am

تراني
نحيل الجسم من بعدك تراني
واريك يوم بعيونك تراني
افكر بيك كل ساعه تراني
افكر بيك والبعد يصعد عليه




ودكلك
الك ما نبض كلبي ودكلك
واطحن بالحجي ناعم وادكلك
بيوم السافرت كمت ابجي ودكلك
جيتك بنص الليل يم بابك ودكلك
دكلي شوكت اتحن عليه




بالاه
يا وكتي انكضت وياك بالاه
ودمع العين ثوب الصبر بلاه
لو كلي اصير جروح بالاه
اكابر وما امدلك اذيه




شوف الذهب مغشوش و انتة سالم
اريد كل الناس تموت و انتة سالم
كلب كلب المن غناها محمد السالم
الك يا اعز من كلبي علية




يمين الله الكلب صابر ولا مال
ابد ماخاف من دربه ولا مال
بكنوز الارض مابدلك ولامال
حياتي انت وتظل غالي عليه





بعدني وياك بالعشره ولازال
وكلبي مايحب غيرك ولازال
تراني صادق بحجي ولازال
محبتك بالكلب غصبن عليه


ولمساك
انطرك دوم من صبحك ولمساك
واريدن بس ابوسنك ولمساك
هجرك صم يا مدلل ولمساك
وهسه انت جاي وتتكبر عليه




ويلين
حرت وين اشرد من الدهر ويلين
وعلى اشفافي صفه اليا ويل ويلين
يخضع كل قوي للزمن ويلين
الفخر للاريحي المابي اذيه





وياج
هسه انه امنت بالشوك وياج
واحذرج من كلام الناس وياج
بكثر ما وج دليلي العذل وياج
وتعالي انعيد عشرتنه سويه





حسبه
جفى جرحي ولا من محب حسبه
وكضى الليل حسبه بثلر حسبه
خلص عمري وتعال وياي حسبه
وحرام ان جان الف0رح مر عليه




سني
العمر تيهته وضاع سني
كبرت ومن كدام طاح سني
جنت شيعي وجيف احبك صرت سني
اجتف بالصلاه غصبا عليه





مره
صدكنيي جذب من كال الموت مره
وصدكني اليحب شما تعذب حلو مره
واتمنى ابوس اشفافك كون بس مره
وذا تشتاك للغالي تشوف الموت كم مره
واتمن تحس بيه فرد مره
تعال ارجوك واتلاحك عليه





وحر بي
كلبي انت ملكته وانت حر بي
عليل وطبي عندك وانت حر بي
يا كاس الاشربه وانتحر بي
شربت حبك هو العم عليه





من عبيدك
تكلم وكول من عبيدك
وهذا الهوى اليسري منعه بيدك
اغاتك واريد اصير من عبيدك
ولو ذله على ابن العراقيه





بعداك
حبيبي ما تحب النفس بعداك
عديت شحصلت يا ترف بعداك
نخيت الصبر ويه الجان بعداك
وهسه انت الي تخون بيه





ولا ساف
الندم ما ينفع بزعلك ولا ساف
ولساني ما غلط مثلك ولا ساف
جنت عالي واشوفك ولا ساف
جبل لو تصير ما تعله عليه




وصله
يا صاحب هاك اخذ مكتوب وصله
واريد اعرف عمامه منين و اصله
كلبي عليك صار 12 وصله
كل وصله تصيح جيبو اليه





ملكاك
ترف لشوكت ادور عليك ملكاك
عزيز وعبد لليهواك ملكاك
تكول اهواك وانه اكرت ملكاك
حرام ان يوم حسيت بيه




وذاني
حجي العذال عذبني وذاني
وباب الكلب سديته وذاني
احبك يا بعد روحي واذا اني
هجرتك كول بالحب مو وفيه





بسمار
ترف ردناك لينه تمر بسمار
جفيت وصرت اعيش اهواك بسمار
بكلبي اندك غرامك مثل بسمار
وتعبني وبسمر عيوني عليه





تعدله
عليمن تحسب اغلاطي تعدله
الميت بالبجي شضن تعدله
العوج عوده صعب ظله تعدله
يظل اعوج لمه تلفه المنيه





ولا عيب
صافي وخلل ما بي ولا عيب
ولا عرف الحجي الملوي ولا عيب
حبيبي لا خجل يعرف ولا عيب
فرق البيني وبينه بعد الثريه






ونهار
ذجرك ما نسيته بليل ونهار
وتجري دموعي بحور ونهار
ابكثر نوحي دليلي انعاب ولنهار
وعلى افراكك تروح الروح ليه





وعدي
حسابي ما غلط مره وعدي
ودومك تغلط بحقي وعدي
السوالف شو كله يمي وعدي
عليمن خايف اضبطهن عليه



مر علينه
ترف يهل تمشي بدربك مر علينه
عزيز ونرى فراكك مر علينه
انا بعز نومي طيفك مر علينه
دخيلك لا تكطع الوصل بيه




وحن لك
الدهر اعلن حرب ضديي وحن لك
وبجفني اتغضب دمعي وحن لك
انا مشتاك لدادك وحن لك
حنين ادريس للجنه البهيه




حنيت
سبع اضلوع يوم اهجرت حنيت
وبهجركم لا تضن لحفوفي حنيت
تصدعني والعد الغير حنيت
السبب تهجرني وقسى عليه




وردك
يا فلان ادري بنبع الشوك وردك
وادري من التحبها النوح وردك
العمر بستان واحلى الور وردك
ووردك تذبل بس عليه





أغار إعليك من كلبي والعيون
لذلك آنه حاير وين أشيلك
وحقي ماأجيلك آنه معذور
أغار إعليك مني وماأجيلك




الجمال البيك دايخ هو بيك
ويمكن إيدك تخدر أمن تكض اديك
إنت ربك خالقك فد شكل خاص
يمكن إمسويك إله إيعاين عليك





أبطولة أحله واحد إحنه فوزناك
بطل تستاهل إنت الكاس جا كوه
لأن ياهو اليشوفك كال هذا يفوز
والماشايفك هم كال إي هو





إنت بعيوني وبعدني أبجي عليك
شلون لو يوم إطلعت من عيني
من كثر حبك دخت كلش بحيث
إنت أندلك وادور ويني




خذني يمك
بعد ما ظل كل عذر لا تعتذر
ليل عمري وعمرك مخلص بعد مابيه صبر
خل نلم احلامنا ونحفظ صورهن
كبل لا ياخذهن بدربه الفجر
خل نلم الباقيات اسنيني واسنينك نسويهن عمر
وهنه ما يكفن عمر
ونبدي من جده وجديد بواهس اسنين الصغر
avatar
أمير الدليم
مديــــر عام
مديــــر عام

عدد المساهمات : 53
تاريخ التسجيل : 17/01/2012

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: اشعار عبد حسين الحلفي

مُساهمة من طرف $نصرت الملك$ في الثلاثاء يناير 24, 2012 8:55 pm

الله الله عاشت ايدك زيودي طبعا هذا احلى شعر بيهن الي ويه شهد الشمري

أغار إعليك من كلبي والعيون
لذلك آنه حاير وين أشيلك
وحقي ماأجيلك آنه معذور
أغار إعليك مني وماأجيلك

تحياتي الك زيودي
avatar
$نصرت الملك$
مديـــــــــــــــــــــــــــــر المنتدى ومصمم الموقع
مديـــــــــــــــــــــــــــــر المنتدى ومصمم الموقع

عدد المساهمات : 44
تاريخ التسجيل : 13/10/2011
العمر : 30
الموقع : نصرت للحاســبات الالكترونية

معاينة صفحة البيانات الشخصي للعضو http://aldlem.allgoo.net

الرجوع الى أعلى الصفحة اذهب الى الأسفل

رد: اشعار عبد حسين الحلفي

مُساهمة من طرف أمير الدليم في الثلاثاء يناير 24, 2012 10:01 pm

على راسي خوي انته اصل ذووووق شكرأأأأ على رد جميل
avatar
أمير الدليم
مديــــر عام
مديــــر عام

عدد المساهمات : 53
تاريخ التسجيل : 17/01/2012

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى