™¤¦ اميـــــــر عشــــــائر الدليـــــــم ¦¤™
اهلا وسهلا بك في منتديات اميـــــــر عشــــــائر الدليـــــــم اذا انت غير مسجل الرجاء قم بالتسجيل .... تحياتنا ادارة منتديات اميـــــــر عشــــــائر الدليـــــــم

ابوذيات روعه

اذهب الى الأسفل

ابوذيات روعه

مُساهمة من طرف أمير الدليم في الأربعاء يناير 18, 2012 11:56 pm

كلبي انذبح من كفة صار العشك طفلة
واضلوعة موكد جمر محد ضلع طفلة
كربج لطف للكلب بس بعدج الطفلة
شاريج كلبي كبل ياطفلتي بس باع
اسداس حبج لعب بحبيبج بسباع
بذياب العب جنت والعب جنت بسباع
ياحيف تالي الوكت ضحكت علي طفلة





ظالم تراه الحكم ماعنده ابد عادله
والزين ويه الردي حطه بوزن عادله
اعرف طريقي صعب واعرف الف عادله
همه الي يضوكون العسل واحنه الجرعنه المر
مايوم مرنه الهنه لحظات منا ها مر
دمي ودم اخوك النزف والنذل يصعد همر
ادكول جانت ورث للخلفه وعاد اله



والله ماشيدة فوك الرمال القصر
وفيت وبقه وفي وما بدر مني قصر
العمر ماهمني ان طال وله كصر
تدري ابصدودك علي كطع اكليبي وصل
خايف سبب حالتي لط لشماته وصل
يوم النويت الهجر انا اعلقبله وصلي
مدري تمام الصلا صليت مدري قصر






ياحزني عوف الكلب ذنبه شنو رابطة
وبنايني بس ماوكع من روحي صب رابطة
شمتناني دومن ولك لعبو علي رابطة
وحس ومشي لاتلتف حته الميعرف شعر
وصولعت من القهر وبراسي ماضل شعر
جم شاعر بلافهم بس اسمه يكتب شعر
بس تلكه شاعر مثل بس كلمة اجت رابطة




ياصاح صير الدوة مو جنت مرهم لك
وضكنه مرار الوكت ياشين مرهملك
عوف الزعل ياترف بلله امرهملك
حب أبوسط هل كلب من بعد العسر ياسر
وسراري راحت أسف شكضب شهد ياسر
مادام أنت الخنت وداعت نظر ياسر
قررت أعوفك بعد ياشين مرهملك








غابت شمسنا الضحى يومن ضحك سنه
وقانون حبك علي رب العرش سنه
ريت المحبة تضل يا زين بس النه
تامرني انت امر وتفرض شروطك فرض
وحبك يساهي الكلب كسر عضامي فرض
اللي يريد العشك يكول عنه فرض
واني بمحبتي الك فوك الفرض سنه








الاسلام لوما علي جان انتهى من ازل
من يوم نادى وهتف بيها ابن ود من زل
والردو اليورى كالو نشك مانزل
لاجن برزله علي وراس الشرك زلله
ورد للهدايه جدم بصوته ابن ود زلله
دور بحيدر علي ماضن تجد زلله
لو بيه زله علي ما نندبه من زل







جنسيتي تبقة الشرف وعراقي صدك تاج
تاج الاخوة انصبغ ما عاد يرهم تاج
الملك مو بس ملك من لبسوه التاج
الملك من احتفة واصبح يصون ارضة
ماداس زرعه الهمر وما دنست ارضة
ارهاب صدك لقب بس بالاحرى ارضة
ياكل ويلهم بالوطن كل ضنة يلبس تاج








مابيج ذرت حسن كلش من اشوفن مرة
او ماظكت منج عسل بس ظكت منج مرة
كون المرة المن صدك جاز الي عنده مرة
ينشاف وجه الرجل كون على كلب الجاز
حتى ابقلم رغبته بس مال غير الجاز
وياج شلون استمر وكليبي منج جاز
جنج ملامح شمر بس بلعبايه مره












من صال يوم الحرب مثلك علي منكر
المعروف كله علي وباقي الزمرمنكر
لو كطعوني وصل عن حبكم منكر
من عالم الذر احب ما يوم عنكم ازل
للدوم اضل للابد لاخر نفس للازل
من انسئل بالقبر لا ارتبك لا ازل
مادام اوالي علي ما خاف من منكر
avatar
أمير الدليم
مديــــر عام
مديــــر عام

عدد المساهمات : 53
تاريخ التسجيل : 17/01/2012

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى